كل واحد فينا تيحلم يكونوا عندوا فلوس ويكون مليونير او يحقق الأحلام ديالوا لي خاصوا سنين باش يحققهم كل واحد فينا عندوا فكرة وبغا يدير مشروع ولفلوس ما عندوش كل واحد فينا تيشوف فكرة لي كانت عندوا طبقها واحد أخر حيت هو ماعندوش لفلوس ديما لفلوس تتبقا حاجز قدام الأحلام ديالنا في هد لبلاد للأسف من شحال هدي راودتني واحد فكرة او بقيت تندرس فيها او دبا جا وقت باش نشاركها معاكم..
- كل واحد فينا تيخسر تقريبا خمسين درهم في نهار.
- كل واحد فينا تيخسر لفلوس في أشياء تافهه.
- كل واحد فينا فلوسوا تضيع في سيجارة قهوة...
- كل واحد فينا تيخسر فلوس او هو ماعندوش من يجيبهم.
- كل واحد فينا تيشري شي حاجة او عمروا ماستعملها.
- كل واحد فينا عندوا أفكار مشاريع وماعندوش فلوس.
ادن الحياة ديالنا كلها فلوس ولكن حنا متنعرفوش كيفاش نستافدوا منهم لهدا جاتني فكرة المليونير او لي هيا فكرة تتعتامد على الإتحاد ديالنا والتضامن خصوصا للشباب لمحتاج فلوس باش يكون داتوا او مستقبل ديالوا ويحقق مشاريع ديالوا ويطبق الأفكار ديالوا لأسف في هد لبلاد كلشي تيفكر غير في راسوا الا بقينا هكا تا واحد فينا ما غيوصل .
دبا غنشرح ليكم فكرة المليونير هي فكرة بحال دارت ولكن بطريقة جديدة يعني كل واحد فينا غيحط 20 درهم او أكتر متلا كمساعدة لواحد فينا لغيتختار عن طريق القرعة او هد الواحد غيحصل على كل الاموال لي كلما زاد عدد ناس كلما كبرت القيمة ديالها او كل شهر غيستافد واحد فينا او نكونوا على الأقل ساعدنا واحد فينا إن شاء الله غيكون حدث كبير واهم حاجة فيه هي نحققوا حلم واحد ولأشخاص منا عندهم أفكار مالقاوش لفلوس باش يديروها او نتمنى تعجبكم الفكرة .
هد الفكرة طرحتها داك العام على بعض الأصدقاء او عجباتهم ولحتها في الفيس لحساب ديالي لقات تفاعل ولكن كلشي بغا ياخد الفلوس هو الأول هد هو المشكل لكبير لهدا بغيت ناخد الأراء والتعليقات ديالك في هد الفكرة.
للعلم المليونير غتكون عبارة عن حدث كبير تتيتلقاو فيه المبدعيين والمقاولون المغاربة لنجحوا في حياتهم غتكون دخلة ليه بثمن لي هو غيكون مجموع ديالوا فلوس كتار غيتعطاو لواحد فينا غيتختار عن طريق القرعة بالشفافية ومصداقية.
#المليونير